Zivilschutz sei Dank!
Was für eine Freude.
Üses Spiel- und Materialhus, häsch da gseh,
isch scho am zämebreche gsi, oh jeh!
Üsen Abwart, de Peter – das isch jo klar,
hät schnell de Zivilschutz gholt – hurra!
Und am Mentigobig isch wie Zauberei,
da alte Hüsli scho weg gsi, 1,2,3.
De Patrick Lagger – jo, dä hät de Überblick
Hät allne zeiged wies got, mit ganz vill Gschick.
So händ vill cleveri Chöpf grad mitenand,
ganz vill gschaffed, Hand in Hand.
Agschleppt händs die grösste Bretter,
sie händ gsäged, gschliffe, bi jedem Wetter.
Zwei Fenster, zwei Türe und no so vill meh,
häts bi dem wunderschöne, neue Hüsli geh.
Verschiedeni Tablar chömed jetzt no dra,
de Peter und sis Team sorged für da.
Wies agmolet wird, da handled mir no us,
uf all Fäll soll en Regeboge uf das neue Hus.
Mit so vill Freud und vor allem so engagiert,
händ ihr üs zeiged, wie Teamwork funktioniert.
Mir säged 1000 MOL DANKE und no vill, vill meh,
tschüss ihr liebe Helfer und uf Wiederseh!
Mit emene riesige Dankschön:
Alli Chind und s Team vom Chindergarte Basadinge
